Analog TV

Bago natin pag-usapan ang digital television, kailangan muna natin maintindihan ang pinakamadaling paraan sa pagkakaintindi ng analog television broadcasting.

Ano nga ba ang analog TV?

Ang analog television ang ating kinagisnang TV setup magmula ng magkaroon ng TV dito sa bansa. Gumagamit ito ng indoor antenna (yung “rabbit ears” na tinatawag nila, yung nakasabit sa ibabaw ng TV niyo) o kaya ng outdoor antenna (yung Baron, na nilalagay sa mga bubong ng bahay tapos may kable na nakakabit sa TV).

Sa television broadcasting, gumagamit din sila ng frequency. Ang frequency ay ang pagkakakilanlan ng mga bagay-bagay na nata-transmit sa mundo. Gaya na lang ng cellphone. Nawari niyo na ba kung pano napapadala ng mga text message na yan? Dahil mayroon silang frequency na ginagamit, exactly around 800-1900 megahertz (MHz). Ang Wi-Fi din ay may frequency na ginagamit, ito naman ay 2.4 gigahertz (GHz). Sa radio, kaya nga tayo may mga 101.9 o kaya 90.7 na alam dahil ito ang kanilang frequency. Sa TV, gumagamit tayo ng frequency from 54-800+ MHz.

Ano nga ba ang channel? Ito ay ang distribusyon o paghahati-hati ng bawat broadcaster sa mga frequency na nabanggit kanina. Sa kasalukuyan, mayroong 83 channels ang TV. Bawat channel ay may nakalaang 6 MHz na frequency.

Nahahati ang bawat channel sa 2 range ng frequency. Itinakda kasi ito ng International Telecommunications Union o ITU, isang worldwide-based system na nagtatakda ng mga standards ng mundo when it comes to communications. Ito ay ang VHF at UHF.

Sa Very High Frequency o VHF nabibilang ang mga channels 2-13. Kasama pa nga sa VHF ang FM Radio, na gumagamit ng frequency na 88-108 MHz.. Ang channel 1 ay hindi pinapagamit sa publiko dahil ito ay para sa military-based operations. Ang Ultra High Frequency o UHF naman ay from channels 14-83.

Ano nga ba ang pagkakaiba ng dalawa?

Sa VHF kasi, hanggang short-distance lang ang kaya niya mag-transmit ng signal, kumpara sa UHF. Kaya ang mga VHF channels ay gumagamit ng repeater, o relay station na tinatawag (yung mga RNG o Regional Network Group ay example ng relay). Isa pang pagkakaiba nila ay ang pagkaka-apekto nito sa noise at sa mga high structures sa paligid ng transmitter. Ang VHF ay mas apektado kumpara sa UHF pagdating sa mga physical obstructions like buildings, mountains, etc.

Narito ang mga ilan sa mga channels na-divide sa VHF at UHF:

VHF Channel	Station	UHF Channel	Station
2	ABS-CBN 2	21	TalkTV/SBN 21
4	NBN 4	23	Studio 23
5	TV5	25	NET 25
7	GMA 7	29	2nd Avenue/RJTV
9	ETC/RPN 9	33	ZOE TV
11	GMA News TV 11	37	UNTV 37
13	IBC 13	39	Sonshine TV
		41	Aksyon TV

Mga dapat muna nating maintindihan:

Frame Rate. Ito ay ang dami ng images na naipapadala sa loob ng 1 segundo. Ang isang video sa digicam ay gumagamit ng 30 Hz o 30 fps (frames per second), meaning may 30 frames o image ang naipapagalaw sa loob lamang ng 1 second.

Scanning. Sa TV, ang bawat image na lumalabas ay dumadaan sa scanning. Ang scanning ay matatawag din na tracing. Meron kasing lines na tinatawag, ang bawat image ay tine-trace mula taas hanggang baba ng TV na hindi talaga natin nakikita dahil sa bilis nito mag-trace. Merong 2 uri ng scanning, ang Progressive scanning at Interlaced scanning.

Sa Progressive, ito ang pag-trace ng lines sa image in 1 side only. Meaning, from left to right lang. Yung Interlaced naman, 2 alternating sides ang pag-trace ng lines sa image, isang from left to right at isang from right to left.

Aspect ratio. Ito ang ratio ng lapad at taas ng TV. Sa kasalukuyang TV, gumagamit ng 4:3 na aspect ratio. Sa pelikula, mayroon naman 16:9 na aspect ratio. Kung ikukumpara ito sa nauna, mas malapad ang 16:9 kesa sa 4:3.

Kung ipapalabas ang 4:3 sa 16:9, magkakaroon ito ng pillarbox, o yung itim sa dalawang gilid ng screen. Kung ang 16:9 naman ang ipapapalabas sa 4:3, magkakaroon ito ng letterbox, o yung itim sa taas at baba ng screen.

Video Size. Mayroong 2 video sizes ang ginagamit sa TV, ang Standard at High Definitions.

Una, ang SD o Standard Definition. Sa SD, mayroon siyang 640 x 480 na pixel size o may 640 lines na lapad by 480 lines na taas. Ito ay kung 4:3 ang aspect ratio. Pwede ring 720 x 480 kung 16:9 naman.

Ikalawa ang popular na HD, o High Definition. Sa HD, 2 ang video size na ginagamit, at 16:9 lamang ang aspect ratio nito. Una, ang 720p na tinatawag, na may 1280 x 720 na pixel size, at ang ikalawa ay ang Full HD na tinatawag na may 1920 x 1080 na pixel size.

Paano sila nagkakaiba-iba?

Pansin niyo na lang sa mga cellphone image. Gumamit ka ng VGA size (which is SD) at 2 megapixel size (which is almost Full HD) sa iisang kuha. Mapapansin na mas malinaw ang detalye ng kuha mula sa 2 megapixel na size kesa sa VGA. Ganun din sa TV. Mas malinaw ang video na makukuha sa HD kumpara sa SD. Kaya nga nitong maipakita ang mga pores at detalye ng buhok ng tao sa HD eh.

Anu-ano ang mga standards sa analog TV transmission?

Since alam na natin yung ibang kinakailangan, idi-discuss ko naman ang standards ng analog TV. Mayroon 3 uri ng analog TV transmission, una ang SECAM (Sequential Color with Memory), at pangalawa ang PAL (Phase Alternation Line). Parehas silang European standard at gumagamit ng 625 lines sa image na may frame rate na 25 Hz.

Sa Pilipinas, NTSC o National Television System Committee ang ginamit na standard mula ng magkaroon ng television dito sa bansa. Ito ay American standard at gumagamit ng 525 lines at may 30 Hz na frame rate.

Pino-portray ng sine wave, na nasa baba nito, ang analog TV. Kumbaga, kung bumaba ang signal down to 0, hindi basta basta mawawala ang napapanood mo, kumabaga from malinaw to malabo, may mapapanood ka pa rin kahit nasa gitna noon. Mapapansin din na may mga “snow” na tinatawag, o yung parang mga puti-puti na umuulan. Dahil iyon sa position ng antenna.

Napansin niyo na ba yung mga China phones na may TV? Analog TV ang gamit nila. Kung buma-biyahe kayo at nanonood kayo ng TV, mapapansin na hindi maganda manood ng TV dahil sa dami ng snow, at gumagalaw na position ng antenna.

Digital TV

Ano nga ba ang digital TV?

Bago basahin ang post na ito, basahin muna ang analog TV: CLICK.

Dahil nga sa mga naiulat nating mga problema sa analog TV, nabuhay at nagkaroon ng panibagong sistema para sa television broadcasting, ang digital TV. Sa DTV, digital na ang signal natin. Hindi na natin maihahalintulad ang signal nito sa analog signal natin na sine wave. Para na itong hagdan, 1 at 0 lang ang signal. Ano ito?

Ang DTV ay all or nothing. Kapag mahina ang signal, wala ka na kaagad mapapanood, kapag meron, ay meron. Di siya katulad sa analog na pwede pa ayusin yung antenna para lang makanood ng maayos at malinawan ang signal.

Mobility rin ang maganda sa DTV. Kahit bumabiyahe ka ay napakalinaw ng signal at napakasarap manood, walang snow, walang signal na hindi maganda. Kaso nga lang siyempre, all or nothing, pag nawala na ang signal, totally, wala ka nang mapapanood. Pwede ito sa mga TV sa loob ng sasakyan gaya ng mga bus.

Sa DTV kasi, pwede na rin maipagsama-sama ang mga channels sa iisang channel lang, gets? Kumbaga ang ABS-CBN at Studio 23, channels 2 at 23 ang gamit nila respectively. Sa DTV, pwede na maging iisang channel ang ABS-CBN at Studio 23. Iyon ang tinatawag na Multiplexing/Multicasting.

Bukod sa multicasting, maaari na ring mai-broadcast ang HD sa telebisyon, na hindi pwede sa analog TV. Mas crisp at mas sharper na ang mga palabas sa TV kapag HD.

Ang bago pang kaaaliwan sa DTV ay ang datacasting. Sa datacasting, habang nanonood ka for example ng weather news, pwede mo ring malaman ang mga data ng ibang bansa or ibang lugar. Sa sports din kunwari, habang nanonood ka ng basketball, eh pwede mong tingnan kung nakaka-ilang points na yung player, o yung buong team. Yun, interactivity ang dulot niya sa TV.

EPG o Electronic Program Guide. Meron actually nito sa cable TV. Sa DTV, meron na rin nito. Dito malalaman mo kung anong ipapalabas sa buong araw, bukas o kaya sa buong buwan.

Mas mapapadali na rin ang pay-per-view sa DTV, babayaran mo lang ang card na isusuksok mo sa DTV box mo at presto! Pwede ka na makanood ng mga PPV like Pacman fights o kaya naman PBB 24/7.

Bakit may DTV?

In-open ang DTV dahil sa pagbabawas ng frequency allotted for television broadcasting. Dito sa Pinas, hindi gaano karami ang mga local channels, di katulad sa ibang bansa na umaabot sa 40-50 local channels meron sila. Dahil nga sa maraming nagagamit na frequency, minabuti ng standardization companies na magkaroon na lang ng DTV para ma-normalize ang dami ng frequencies for television.

Sa Pilipinas, magiging UHF na ang bagong bahay ng telebisyon (from channels 14-83). Ang VHF ay maaari na gamitin para sa mga bumbero at pulis, o kaya naman sa pagkakaroon ng mga wireless broadband frequencies.

Paano ako makakasagap ng DTV?

Para makasagap ng DTV, kailangan ng STB o set top box na ikinakabit sa TV at kakabitan ng indoor/outdoor antenna. Ginagamit ang STB para sa mga TV na walang internal digital TV tuner, like yung mga present TVs na CRT at ibang LCD TVs. Kailangan din siyempre may “A/V Component” ang TV niyo, yung kinakabitan ng DVD player na may red, white at yellow na kable, o kaya “Composite” na may karagdagang “Y/Cb/Cr” na kabitan.

Para naman sa HD, kailangan ng may kabitan na “HDMI” ang STB at ang TV. Kung CRT ang TV niyo at “A/V component” lang ang kabitan, maaari niyo pa rin mapanood ang mga HD na broadcast pero hindi HD quality kundi downgraded SD ang kakalabasan ng programa.

Kung ang LCD TV niyo naman ay napaka-advanced, yung may built-in digital TV tuner na, pwes, di niyo na kailangan pa ng STB. Automatic, pwede na kayo makasagap ng DTV.

Anu-ano ang sistema sa DTV?

Sa ngayon, mayroon tayong 5 DTV standards na pinagpilian ng NTC para gamitin ng Pilipinas. Nagkakaiba-iba naman sila sa paraan ng pag-transmit ng digital signals at ang gamit nilang video, audio, at data file format.

• Una, ang ATSC o Advanced Television System Committee galing Amerika. Ito ang digital version ng NTSC. Sa ATSC, gumagamit sila ng 8VSB (8-layer Vestigial Sideband) na paraan ng pag-transmit at kaya nilang maglabas ng full HD at 5.1 surround sound sa TV. Pwede nga rin nilang pagsama-samahina ng 6 na subchannels sa isang channel, 1 MHz per channel. Ang kaso, wala pa silang mobile TV para sa cellphone.
• Ikalawa, ang DVB-T o Digital Video Broadcasting – Terrestrial ng Europe. Ito ang unang ginamit ng ABS-CBN para sa kauna-unahang DTV test sa Pilipinas. Digital version ito ng kanilang PAL analog TV. Pwede rin ito sa SD at HD setup. Gumagamit sila ng COFDM (Coded Orthogonal Frequency Division Multiplexing) na paraan. Meron silang mobile TV setup. Ang kaso, separate frequency ang ginagamit sa mobile TV, ang DVB-H (Digital Video Broadcasting – Handheld) which is hindi rin kapaki-pakinabang na mapa-normalize ang dami ng TV frequency.
• Ikatlo, ang DMB-T/H o Digital Multimedia Broadcast – Terrestrial/Handheld ng China. Bago lamang ito sa standardization process, at China pa lang mismo ang gumagamit ng teknolohiya. TDS-OFDM (Time Domain Synchronous OFDM) ang ginagamit nitong paraan ng transmission at kaya nitong mag-broadcast ng HD sa TV ng mga sasakyang tumatakbo ng 200 kph. Meron rin silang mobile TV.
• Ikaapat, ang bago ring T-DMB o Terrestrial Digital Multimedia Broadcast ng South Korea. May kahalintulad lang din ito sa DMB-T/H ng China.
• Ikalima, ang napili ng NTC na gamitin ng Pilipinas bilang DTV standard, ang Integrated Services Digital Broadcasting – Terrestrial o ISDB-T. Idi-discuss natin yan pagkatapos nito.

Ano nga ba ang ISDB-T?

Ang ISDB-T ay ang DTV standard ng Japan. Sa ISDB-T, bawat channel ay hinati sa 13 segments. At sa paghahati nito, meron 3 uri ng transmission ang maaaring gamitin sa ISDB-T.

Mula nang ginamit ng Brazil ang ISDB-T, nabuhay ang bagong uri ng ISDB-T, ang ISDB-Tb o SBTVD (Sistemo Brazilia Television Video Digital). Ang pagkakaiba lang nila ay ang ginagamit na video, audio at data file format.

Ang ISDB-T ay merong mobile TV na 1-seg, meaning one segment. Sa 13 segments ng isang channel, ang isang segment doon ay ginagamit para sa mobile TV.

Anu-ano ang tatlong uri ng ISDB-T transmission?

• Una, ang HD setup na gumagamit ng 12 segments for full-segmented TV at 1-seg for mobile TV.
• Ikalawa, ang isang EDTV o Enhanced Definition TV, isang SD at 1-seg mobile TV. Gagamit ng 8 segments ang EDTV, 4 segments sa SDTV at 1 segment para sa mobile TV.
• At ikatlo, ang multicasted SDTV na may 3 SDTV subchannels at 1-seg mobile TV. Bawat SD channel ay may 4 segments each.

Anong ISDB-T ang gagamitin ng Pilipinas?

Since may ISDB-T at SBTVD na uri, ang ISDB-T ng Pilipinas ay pinaghalong ISDB-T formats. Gagamit ng MPEG-4/AAC video/audio format na galing sa SBTVD ng Brazil at BML datacasting format na galing sa ISDB-T ng Japan.

Sa ISDB-T transmission naman, gagamit ng 2 uri ang Pilipinas. Ang HD at Multicasted SD setup.

Anu-ano na ang mga channels sa DTV?

Sa ngayon, 2 pa lang ang nasa digital platform. Ang GEM HD 49 at ang NBN 4.

The rest, under pre-implementation at testing pa rin ang ibang TV networks for DTV. Narito ang mga possible TV networks for ISDB-T transmission:

Multicasted SD	HD	TBA
ABS-CBN channels · ABS-CBN 2 · Studio 23 · 5 new premium channels	TV5	IBC 13
	ETC/RPN 9	TalkTV/SBN 21
	NBN 4 HD	RJTV
	GEM HD/NET 25	ZOE TV
		UNTV 37
		Sonshine TV
GMA Network channels · GMA 7 · GMA News TV 11

Magkano naman aabutin ang STB o digital TV tuners for ISDB-T?

As of now, wala pang nagma-manufacture ng STB for ISDB-T dito sa Pilipinas. Tantiya ng magma-manufacture, aabot ang 1 STB ng hindi bababa sa P500.

Mayroon namang binebenta na mga USB TV tuners na may ISDB-T support sa Internet like eBay.

Yung mga cellphones from Japan, gagana ang 1-seg mobile TV dito sa Pinas.

Kailan naman magsisimula mag-broadcast ng digital sa Pilipinas?

Depende iyon sa TV network. Sa ngayon, 2 pa lang ang nagbo-broadcast. One is GEM HD, ang kauna-unahang High Definition FREE TV channel sa Pilipinas, at ang government network, NBN. As of today, ang mga TV networks ay under testing pre-implementation pa lang ng ISDB-T standard ng Japan.

Anong mangyayari sa analog TV?

Aba syempre, wala kang mapapanood kung wala kang STB. STB is a must for digital TV. Hindi mo masasagap ng digital signals kahit naka-rabbit ears or outdoor antenna ka pa.

Since kailangan nga mai-distribute sa mga fire at police, o kaya naman sa mga broadband service providers ang VHF, kailangang mag-switch off ang mga TV networks ng kanilang analog station at ito ay mangyayari dapat by 11:59 p.m. ng December 31, 2015.

Before ASO (analog switch-off) date ay maaari pang mag-broadcast sa analog ang mga TV networks, pero pagdating ng January 1, 2016, dapat lahat ay switch-on or migrated to DTV na.

LIKE DTV Pilipinas on Facebook

Philippines FULL TRANSITION TO DIGITAL TELEVISION COUNTDOWN:

Philippine Star: RP lags behind Asian neighbors in digital TV popularization

MANILA, Philippines -- The Philippines lags behind other Asian countries and regions in the popularization of digital TV, according to the latest figures released Thursday by Informa Telecoms and Media, a leading provider of business intelligence and strategic services to the global telecoms and media markets.

The Philippines ranked second from the bottom of the list in terms of digital TV penetration, with just 5 percent in 2009, up from 1 percent in 2005. By 2015, the country's digital TV penetration will only climb to 21 percent.

Indonesia, which is at the bottom of the barrel, also had 1 percent penetration rate in 2005, increased to 2 percent last year and is to grow more than 14 percent by 2015.

On the other hand, Singapore, China's Hongkong, Australia and New Zealand are expected to attain 100 percent digital TV penetration by 2015. Another four regions are expected to have achieved a penetration rate of 70 percent or more - Japan, Malaysia, South Korea and Taiwan.
Despite the global macro-economic difficulties, more than 35 million homes in Asia upgraded from analog to digital TV in 2009. Also in the year, 26 million new homes subscribed to pay TV, comprising 14 million to cable, 9 million to DTH and 3 million to Internet Protocol Television (IPTV).

Informa Telecoms and Media forecasts showed that those sectors will continue to grow impressively over the next five years. Adam Thomas, Media Research Manager said: "By 2015 there will be well over 400 million digital TV homes, including 40 million taking IPTV, which in turn will generate revenues of more than $40 billion." - dated 9 July 2010, 12:15 AM.

Source: Philippine Star